MEMEak

Egunero bezala, argitaratu diren mezuak irakurtzen ari nintzela, The Indezents-en blogean "Zein kantu zegoen zerrenden buruan jaio zinen egunean?" memearekin topatu dut eta bertan erantzun beharrean hona ekartzea erabaki dut.
"Ez zitzaidan lotsaren kontua oso argi geratu (beste batzuei suertatutako kantuak ikus-entzutean ulertu nuen hori...)..." Lotsa kantu batengatik? Ez, bada, zein zaharrak garen ikusteagatik baizik! Nire kantua topatu dudanean, horixe pentsatu baitut: agh, klasiko hau ez ote da nire amonaren garaiko abesti bat?

Bestalde, hemendik aurrera lasai asko esan dezaket kanta hau betidanik gustatu zaidala.

Norbaitek jarraitu nahiko balu, horrela dio memeak:
1) Bilatu ezazu esteka honetan jaio zinen egunean number one-an zegoen kantua zein zen.
2) Bilatu ezazu youtuben
3) Jarri ezazu zure horman inongo lotsarik gabe

Meme baten definizioa hitzaldi honetan aurkituko duzue, 1:04 minutu aldean.